Ilanga lentsasa lichwechwa ngaphaya kolundi lize
likrobe phakathi kwamagqabi, livusa uSenzo.
Umqhagi kaMakhulu uqhwaba amaphiko awo,
wolule intamo yawo ukhonye.
Kuku-ru-kugu–uuu-uuu!
USenzo uyakwazi naye ukukhonya.
Kuku-ru-kugu–uuu-uuu!
Ungakwazi wena?
Ilanga liqaqambile yaye lifudumele.
USenzo ulungele ukuya esikolweni.
Ubamba isandla sikaMakhulu.
Indlela ixakekile.
Iiteksi zidlula ngesantya zize
zikhalise amaxilongo azo.
Piiip -piiip! Piiip -piiip!
USenzo uyakwazi naye ukupipiza.
Piiip -piiip!
Piiip -piiip!
Ungakwazi wena?
Ilanga liphezulu esibhakabhakeni.
Isikolo siphumile yaye abahlobo
bakaSenzo badlala engceni.
Bolula iingalo zabo baze babaleke behlise induli.
Wiiiiiii! Wiiiiii!
USenzo uyakwazi naye ukubaleka.
Wiiiiiii! Wiiiiii!
Ungakwazi wena?
Ilanga lisezantsi elundini, isibhakabhaka
sigcwele imibalabala.
Usuku olude seluza kuphela yaye nesidlo
sangokuhlwa sesigqityiwe.
UMakhulu noMama bahlamba izitya.
Tshiza! Dyumpu! Tshiza! Dyumpu!
USenzo naye uyakwazi ukuhlamba izitya.
Tshiza! Dyumpu!
Tshiza!Dyumpu!
Ungakwazi wena?
Ilanga lisithela ngaphaya kolundi, lisenza
izithunzi ezide.
USenzo uhlambile yaye uhluthi yaye udiniwe.
“Lixesha lokulala,” utsho uMama.
Usondeza uSenzo aze ammbambazele.
Uyamthuthuzela.
Shhhhhhhhh, shhhhhhhhhh.
USenzo uyakwazi naye ukuthuthuzela.
Shhhhhhhhh,
shhhhhhhhh.
Ungakwazi wena?
Ilanga liwenzile umsebenzi walo wosuku
ngoku liya kulala.
Lizogquma ngengubo yobumnyama
ukuzigcina lifudumele.
Ilanga liyaphupha.
USenzo uyakwazi naye
ukuphupha.
Ungakwazi wena?
Senzo and the Sun
