Ziiholide yaye ndingathanda ukuya elwandle, kodwa asizange saya.
Kazi ukuba kunjani ukudlala esantini.
Thalaaa!
‘Jonga ukuba sikwenzele ntoni. Ibhokisi yesanti,’ udanduluke watsho utata kaLesedi.
UTata uthi usebenzise amanye amavili wakhe amadala. UMama uwapeyinte ngayo yonke imibala yam endiyithandayo: ozuba, obomvu notyheli.
Ingathi andisangeni ngaphakathi.
Ndingena kwibhokisi yam yesanti zize iinyawo zam zive shushu nantofontofo kamnandi.
Jonga!
Ndiselwandle.
Leya ibonakala ngathi yindawo entle
yokondlala ingubo yam.
Ndibeka isambrela sam kodwa umoya usivuthuza simke.
Ulwandle luyagquma.
Ndibaleka elwandle ndibone ukuba
amaza angandifumana na njengokuba
ndisenza iinyawo esantini.
Ndisebenzisa ipheyile yam nomhlakulo
wam, ndigrumba amaqokobhe.
Afumaneka ngeemilo nangobungakanani obuninzi.
Mandakhe ibhotwe lesanti.
Yiyo, likhulu!
Lixesha lesidlo sasemini!
Mhlawumbi manditye isonka
esiqatywe ijam yamaqunube.
Mmm, esona ndisithandayo.
Emva kokutya, uMama undiphathela
iaysikhrimu yetshokholethi.
Ndilala engubeni yam ndisonwabela
iaysikhrimu yam ndize ndibuke
isibhakabhaka esiguquka
sibe pinki.
Umama notata bakaLesedi, bayambukela
amehlo abo ezele lulonwabo.
‘Ndivuya kakhulu ukuba sikwazile ukulenza iphupha lakhe lifezeke khona apha ekhaya,’ utsho umama kaLesedi.
Enkosi, Mama noTata.
Enkosi, Mama noTata.
olumnandi kakhulu
ebomini bam!
Lesedi_s Sandbox Xhosa
