Kusasa wusuku lokuzalwa lukaMina. Uzobe enephathi engadini.
UMina uya ezitolo noMama
bayothenga ingubo yosuku
lokuzalwa.
“Ngifuna ingubo eluhlaza
okwesibhakabhaka,” kusho
uMina. UMama uthola
ingubo enhle eluhlaza
okwesibhakabhaka.
UMina unikina ikhanda.
“Angiyifuni ingubo eluhlaza
okwesibhakabhaka.”
“Ngifuna ingubo ephinki,” kusho
uMina. UMama umkhombisa ingubo
enhle ephinki.
UMina usongaa izandla. “Angiyifuni ingubo ephinki.”
“Ngifuna ingubo eluhlaza okotshani,”
kusho uMina. UMama ubamba
ingubo enhle eluhlaza okotshani.
UMina uyaswaca. “Angiyifuni ingubo eluhlaza okotshani.”
UMama uthi, “Awuyifuni ingubo eluhlaza okwesibhakabhaka, awuyifuni ingubo ephinki futhi awuyifuni ingubo eluhlaza okotshani.”
“Injani le ngubo?”
UMina uthi, “Yebo! Ngiyayithanda ingubo ephuzi. Ngifuna ingubo ephuzi.”
Mina and the birthday dress_zulu
