Ilanga lalibalele ehlathini.
Zonke izilwane zaziphumile zidlala phandle.
“Woza uzodlala nami, Bhubesi,” kusho uNgulule. “Ngibambe uma uzokwazi!”
ZWI-ZWI! kuntweza uNgulule.
“Angifuni ukudlala,” kusho uBhubesi. “Ngizokwehluleka.”
“Woza uzodlala nami, Bhubesi,” kusho uNdlovu. “Singaphonsa amatshe amakhulu!”
KHA-PHO! KHA-PHO! kwenza uNdlovu.
“Angifuni ukudlala,” kusho uBhubesi. “Ngizokwehluleka.”
“Woza uzodlala nathi, Bhubesi!” kwasho izinkawu. “Ubani ongadla obhanana abaningi?”
PHO! PHO! PHO! kwenza izinkawu.
“Angifuni ukudlala,” kusho uBhubesi. “Ngizokwehluleka.”
“Woza uzodlala nami, Bhubesi,” kwasho uNsephe. “Masigxume siye phezulu!”
ZWI! ZWI! ZWI! kwenza uNsephe.
“Angifuni ukudlala,” kusho uBhubesi. “Ngizokwehluleka.”
“Woza uzodlala nami, Bhubesi,” kusho uNgwenya. “Wumncintiswano wokubhukuda!”
BHULUKUXU! BHULUKUXU! kuphonseka uNgwenya.
“Angifuni ukudlala,” kusho uBhubesi. “Ngizokwehluleka.”
UNdlovu noNgwenya baba nomncintiswano wokubhukuda ngaphandle kukaBhubesi.
UNgwenya wayeshesha kunoNdlovu, kodwa ngaso sonke isikhathi uma uNgwenya eya phambili, uNdlovu wayemkitaza!
HEE-HEE-HEE! kwenza uNdlovu noNgwenya.
UBhubesi wayezihlalele yedwa edumele, ebukela uNgwenya noNdlovu bebhukuda.
“Kungani udumele, Bhubesi?” kubuza uGundane.
“Ngoba angifuni ukudlala,” kusho uBhubesi. “Ngizokwehluleka.”
UBhubesi washelela phezu kwekhasi likabhanana!
AWU HHEEEE! kwenza uBhubesi.
“Kubonakala kuhlekisa lokho!” kusho zonke ezinye izilwane.
UBhubesi wayesedlala futhi wajabula.
The lion who wouldnt try_Zulu
