UNtakazana wayeyintaka encinane. Wayemncinane kakhulu eyintakazana ngokwenene.
UNtakazana wayehlala endlwini entle nezim. UNtakazana wayelithanda kakhulu izim.
Yayilizim elinobubele. Lalisipha uNtakazana izinto zokudlala ezininzi.
Wayeba lusizi uNtakazana
xa lingekho izim.
Ngoko ke ngenye imini
uNtakazana wabhabha
waya kukhangela izim.
UNtakazana wabhabhela phezulu kakhulu wade wafika kwindawo apho wayebona khona lonke ihlabathi.
Wayefuna ukufumana izim. Wayeza kwehlela phi?
UNtakazana wehlela kwihlathikazi, elinemithi neentyatyambo ezishinyeneyo nobutyebi.
Wayekuthanda ukudlalisa ngezihombiso ezinxitywayo ezibengezelayo! Kodwa
laliphi izim?
UNtakazana wahamba waya emhlabeni omkhulukazi onekhephu. Ikhephu lalimhlophe lithambile.
UNtakazana wayekuthanda ukuziqikaqika emhlabeni opholileyo. Kodwa laliphi izim?
Okulandelayo, uNtakazana wasuka wantingela phezulu esibhakabhakeni.
Wabhabhela ezinkwenkwezini nakwiinqumba zeenkwenkwezi ngaphaya kwamajuku-juku!
Wabona inyanga! Wabona inqumbakazi ende yeenkwenkwezi!
Kodwa laliphi izim?
Esephezulu njalo, ngamehlo akhe abukhali entaka, uNtakazana wabona nto!
Yayiyintoni bethu?
UNtakazana wehlela ezantsi,
ezantsi, ezantsi.
Ingaba wayezakwehlela phi?
UNtakazana wehlela ngqo ezandleni zezim! Wavuya kakhulu akulibona.
“Ndiyakuthanda, Zim!” watsho ehlahlamba.
Izim lamgona uNtakazana.
“Nam ndiyakuthanda,” latsho izim.
Small bird_s big adventure Xhosa
