“Thabo, khawuleza. UMama ulungisa isidlo
sasemini,” uyakhwaza uTumi.
“Uyaphi, Thabo?”
Abahlobo bakhe abaqondi ukuba kutheni
ekhetha isidlo sasemini endaweni yomdlalo,
kodwa uThabo yena unemfihlo anayo. Izidlo zasemini zikaMama zikhethekile.
NgoMvulo, uMama ukwenza ukutya kwabo kube ziimilo ezingathi zizinambuzane eziza kushukuma zirhubuluze, oko kwenze uTumi atswine kukothuka.
“YHUUWI!”
Kodwa ziziqhamo nemifuno evuzisa amathe, kwaye azoyikisi tu.
NgoLwesibini, wenza ingonyama egquma kakhulu de kushukume nendlu.
“GRAAAM!”
Kodwa le yipasta nje enetshizi kwaye imnandi.
NgoLwesithathu, uMama ubumba inkukhu etsho kuvuke sonke eso sitalato.
“KUKURUKUUUGU!”
Kodwa le yipleyiti nje yeziqhamo enencindi.
NgoLwesine, wakha itrakhi engxolayo.
UThabo noTumi bavala iindlebe zabo.
“VUUUUM!”
Kodwa le yisendwitshi yejem yamaqunube.
NgoLwesihlanu, uMama wenza igadi entle egcwele ziintyatyambo, iintaka noobhantom.
“TSWII TSWII”
Kodwa le yipapa enesondlo, iimbotyi kunye
nesaladi ekramkram.
“Mama, siyintoni isidlo sasemini?” uyabuza
uTumi.
“Ewe, Mama,” atsho uThabo. “Wenza ntoni namhlanje?”
UThabo noTumi abasakwazi kulinda nomzuzwana lo.
Izisu zabo ziyangxola.
Ekugqibeleni, uMama ugqibile.
“Siyintoni Mama?” abuze uThabo, ekhotha umlomo.
NguThabo, uTumi noMama!
“Mmmm, yintandokazi yethu, isityu nerayisi
yakho ebalaseleyo.”
“Enkosi, Mama!”
UMama uzakwenza ntoni ngeCawa?
Mama whats for lunch Xhosa
