Lusuku lokuzalwa lukaRahah kwiveki ezayo. Uvuyela ukumemela abahlobo bakhe abatsha kwitheko lakhe.
“Uza kumema bani?” uyabuza uMama.
“Uneenyanga ezimbalwa nje usesikolweni. Abantwana bonke babonakala bohlukile, akunjalo?”
“Hayi, Mama. Ndinabahlobo abambalwa abatsha,” utsho uRahah.
“Ndifuna ukumema uZerina.
Ufuna ukuba ngumdanisikazi webhaleyi oyintshatsheli,
kanye njengam!”
“Kwakuhle oko,” utsho uMama.
“Masidlale umculo womdaniso ke ngoko.”
"Ndithemba ukuba
uSikelele angeza naye.
Ucula kwikwayara yesikolo,
kanye njengam!”
“Owu kuhle oko - siza konwaba sonke sicule ngokunjalo.”
“Singammema uSusheela?
Uneekatana ezinoboya
obuthambileyo,
kanye njengam!”
“Ewe, masenze njalo. Naye uza konwabela ukudlala neekatana zethu.”
“Yaye kufuneka simeme uYongnam.
Uthanda amaqebengwana apinki nangaphezu kwam.”
“Kungethamsanqa ndenza amaqebengwana,” utsho uMama.
“Angafumana apinki.”
“Owu enkosi, Mama!
Andisangxame ngako.”
“Owu Rahah! Ndivuyela
ukuba ndiza kudibana
nabo bonke abahlobo bakho.
Bavakala bekhethekile -
kanye njengawe!”
“Kodwa uthini ngawe?
Uyazithanda iincwadi, akunjalo …
kanye njengam!”
“Ungathanda ukuza
kwitheko lam nawe?”
Just like me Xhosa
