Kudaladala, zonke izilwanyana zazihlala elalini. UMama uQhude wayenendlu enkulu.
Ngenye imini, uMvundla wayefuna ukwenza amaqhinga. Wacinga wacinga…
Wachwechwa wangena endlwini kaMama uQhude. Wavala ucango waza wenza
ingxolo enkulu.
UMama uQhude wabuya ekhaya.
“Ngubani osendlwini yam?” wakhala.
“Ngcuka, nceda!
Kukho umntu endlwini yam.”
Nkqo, nkqo, nkqo!
“Vula ucango!” wagxwala uNgcuka.
Kodwa ucango zange luvuleke.
UNgcuka wabiza
uNdlulamthi.
“Vula ucango!”
wakhwaza uNdlulamthi. Kodwa ucango
zange luvuleke.
UNdllulamthi wakhwaza uQwarhashe.
“Vula ucango!” wakhwaza uQwarhashe.
Kodwa ucango zange luvuleke.
UQwarhashe wabiza
uNdlovu. Wayemkhulu
kwaye omelele!
“Vula umnyango!”
wayalela uNdlovu.
Kodwa ucango
zange luvuleke.
Wayelusizi uMama uQhude.
Zonke izilwanyana zazi lusizi.
Ngubani osendlwini kaMama uQhude?
Zacula iintaka.
Amabhabhathane abhabhazela.
Iinyosi zabhuza.
“Vula ucango!” zakhwaza zonke.
UMntwana uQhude wafika ekhaya.
“Ngubani osendlwini yethu?”
“Nceda uvule ucango,” wacenga kamnandi.
Lwavuleka ucango.
YayinguMvundla!
UMvundla wayencumile.
Wayewathanda amaqhinga.
Huntshu! Huntshu!
UMama uQhude noMntwana
uQhude bonwabile.
Izilwanyana zonwabile.
Indlu kaMama uQhude ivulekile ekugqibeleni.
Mama Antelope_s House Xhosa
