Wonke umntu uxelela uZanele
ukuba amanani amngqongile.
Kodwa nokuba uzama kangakanani
na, akawaboni.
UZanele ucela uMakhulu ukuba
amncede abone amanye amanani.
UMakhlu ukhomba iijagi eziseshelufini
abale “inye, zimbini, zintathu, zine.”
Kodwa uZanele akonwabanga.
“Ayingomanani lawa. Ziijagi eziya!”
UZanele ucela uMama ukuba amncede
abone amanye amanani.
UMama ukhomba iminqatha egadini aze
abale, “mnye, mibini, mithathu, mine.”
Kodwa uZanele akonwabanga.
“Ayingomanani lawa. Leya yiminqatha!”
UZanele ubona uLinda ebala iinkukhu, ukubona
ukuba zonke zibuyile na ekhaya.
Kodwa uZanele akonwabanga.
“Ayingomanani lawa. Eziya ziinkukhu!”
UZanele ubona u uMakazi ebala iiyure
kude kufike isidlo sangokuhlwa.
Kodwa uZanele akonwabanga.
“Ayingomanani lawa. Eziya ziiyure!”
UZanele akawaboni amanani ehlabathini.
Uhamba ayokuthetha nodadewabo, uGugu
oneminyaka esibhozo nowazi yonke into.
“Ukuba ujonga nantoni na ngendlela elungileyo,
ungalibona inani kuyo,” utsho uGugu.
UGugu unika uZanele izipeksi zomlingo aze
amxelele ukuba makahambe ayokukhangela
amanani ehlabathini.
Zanele Sees Numbers (IsiXhosa)
