UBhokhwana waya kufuna eyona
ngca imnandi.
Phezulu isibhakabhaka sasizuba.
Kodwa zange ajonge phezulu.
Ezantsi umlambo wawurhotyoza.
Kodwa uBhokhwana zange
ayimamele ingoma yawo.
Intaka yamkhwaza, isithi, “Unjani?”
Kodwa uBhokhwana
zange ayiphendule.
Wasuka waqhuba ngokuhamba
ekhangela eyona ngca imnandi.
Wathi esahamba njalo, wasuka
uBhokhwana wamshiya emva
kakhulu uMama uBhokhwe.
UBhokhwana wade wayifumana eyona
ngca inencasa. Watya, watya akayeka.
Wayemshiye kude uMama uBhokhwe.
UMama uBhokhwe wazibuza ukuba
uyephi uBhokhwana.
Wamkhangela kwindawana eyayityalwe
umbona, kodwa uBhokhwana
wayengabonakali ndawo.
UMama uBhokhwe wabaleka waya
emlanjeni. Kodwa uBhokhwana
wayengabonakali ndawo.
“Uphi, Bhokhwana?” wakhwaza
uMama uBhokhwe.
Intaka yakhwaza uMama uBhokhwe,
“UBhokhwana ulele ngaphaya
kwebhulorho engceni emnandi.”
UMama uBhokhwe wanqumla
ibhulorho waya engceni emnandi.
Wamfumana apho uBhokhwana
elele yoyi.
“Vuka Bhokhwana,” watsho ezolile
uMama uBhokhwe. “Ubulahlekile!”
“Bendingalahlekanga ... bendilapha ngalo
lonke ixesha!” watsho uBhokhwana.
Little Goat (IsiXhosa)
