Yayiyinjikalanga etshisayo yasehlotyeni.
ULilato waziphephezela ukuzipholisa.
“Ukuba nje inokuna imvula,” watsho
umntakwabo uMayamiko.
Kwakutshisa kakhulu ukuvumela
abantwana ukuba badlale phandle.
Chapha-chapha!
Wayiva kuqala uLilato.
Yavakala ngathi lilitye
eliqakatha phezu kophahla
lwendlu. ULilato wajonga
uMayamiko kodwa yena
uMayamiko akazange
amjonge.
Wachwechwa waya efestileni waza
wajonga phezulu esibhakabhakeni.
Isibhakabhaka sasingwevu,
bumnyama ngebala.
ULilato waqalisa ukucula ingoma
awayeyifundiswe ngumhlobo wakhe
omkhulu, uMwansa.
Wemfula isa isa
Twangale na mainsa
Wemfula isa isa
Twangale na mainsa.
Owu yiza mvula,
Ukuze sidlale emvuleni.
Owu yiza mvula,
Ukuze sidlale emvuleni.
ULilato wacula, enkqakraza
iminwe yakhe.
Chapha-chapha chapha-
chapha-chapha-chapha!
Ana ngakumbi amaqabaza emvula.
“Maya! Kuyana!” wamemeza uLilato.
“Kuyana!” Babaleka baphumela phandle.
UMama wayesele ebeka iiemere
ejikeleza indlu ukuqokolela
amanzi emvula.
Babaleka ukuya emgaqweni
ongaphandle kwendlu yakowabo baza
bazibandakanya nabanye abantwana.
Intsholo ethi wemfula insa insa
twangale na mainsa, yavakala jikelele
ebumelwaneni.
Isibhakabhaka savuleka sathulula
imvula ngakumbi, sizibandakanya
nomculo wosuku.
O Rain Come (IsiXhosa)
