UMuzi uyathanda ukwakha izinto. Iphupho lakhe ukwakha into enhle kunazo zonke.
Ngelinye ilanga wake wak izi akhe umpheme.
Kodwa wawungeyona into enhle kunazo zonke.
Zolo lokhu wakha
ibhuloho lezilwane.
Lalilihle, kodwa hhayi kunazo
zonke izinto.
Namuhla uMuzi uzovakashela uGogo.
Udangele. Ngaphandle kwamathoyizi akhe, uzoyakha kanjani into enhle kunazo zonke?
Esitobhini sebhasi, uMuzi umangele. Ubona izinto ezibomvu neziluhlaza okwesibhakabhaka. Izinto ezincane nezinto ezinkulu. Izinto ezintsha nezinto ezindala.
UMuzi ufikelwa umbono omusha wokwakha into enhle kunazo zonke.
Emgwaqweni obheke kwaGogo, uMuzi uthola izinto eziningi. Izinto ezinde nezimfishane. Izinto eziyindingilizi nezinto eziyisikwele.
Ngasemfuleni, uMuzi uthola ezinye izinto eziningi. Izinto ezintofontofo nezinto ezicijile. Izinto eziluhlaza satshani nezinto ezinsundu.
“Buka, Muzi! Silapha.”
Ngenkathi uGogo ephakela izihambi ezilambile, uMuzi uyakha.
“Buka, Gogo, ngikwakhele
indlu entsha.”
“Awu kodwa, Muzi,” kuhleka uGogo.
“Lena yinto enhle kunazo zonke!”
“Gogo, Gogo!” kusho uMuzi.
“Umhlaba ugcwele amathoyizi. Buka nje izinto engikwazi ukuzakha.”
The best thing ever_zulu
