Wonke umuntu utshela uZanele
ukuthi izinombolo zimzungezile.
Kepha noma ezama kangakanani,
akakwazi ukuzibona.
UZanele ucela uGogo ukuthi amsize
abone ezinye izinombolo.
UGogo ukhomba izimbiza eshalofini
bese eyabala, “yinye, zimbili, zintathu, zine.”
Kodwa uZanele akaneme.
“Lezo akuzona izinombolo. Yizimbiza lezo!”
UZanele ucela uMama ukuthi
amsize abone izinombolo ezithile. UMama
ukhomba izaqathi engadini bese eyabala,
“sinye, zimbili, zintathu, zine.”
Kodwa uZanele akaneme.
“Lezo akuzona izinombolo. Yizaqathi lezo!”
UZanele ubona uLinda ebala izinkukhu, ukuze abone ukuthi zonke zibuyile yini ekhaya.
Kepha uZanele akaneme.
“Lezo akuzona izinombolo. Yizinkukhu lezo!”
UZanele ubona uBabekazi ebala amahora
kuze kube isidlo sakusihlwa.
Kepha uZanele akaneme.
“Lezo akuzona izinombolo. Lawo amahora!”
UZanele akakwazi ukubona izinombolo
emhlabeni. Uyahamba ayokhuluma nodadewabo, uGugu, oneminyaka eyisishiyagalombili futhi owazi yonke into.
“Uma ubheka noma yini ngendlela eyiyo, ungabona inombolo kuyo,” kusho uGugu.
UGugu unika uZanele izibuko zemilingo
bese emtshela ukuthi ahambe ayobheka izinombolo emhlabeni.
Zanele sees numbers
