Igama lami ngingu-Amanda. Ngihlala noMama noBaba wami kanye nenja yami uPorsha.
UBaba wami uthi ngingumbala woju.
UMama yena uthi ngimuhle kuhle kwelanga liyoshona.
Kodwa angifani nabo bobabili. UPorsha nje kuphela unombala omdaka njengami!
Uma sizikhiphile abantu bavame ukusibuka, noma babuze imibuzo eminingi.
“UBabekazi wakho lowo?” kubuza owesimame esitolo.
"Cha!
UMama wami."
“Ngabe uThisha wakho?” kubuza owesilisa epaki.
"Cha! UBaba wami."
“Kungani ungafani nabo?”
“Yingoba ngingumbala woju. Futhi ngimuhle kuhle kwelanga liyoshona.”
“Kodwa uBaba wakho ngathi isibhakabhaka ebusuku,” kusho lo wesimame esitolo.
“Kanti uMama wakho umhlophe kuhle kwephepha elingabhaliwe,” kusho owesilisa epaki.
“Kungani
wena uhlukile?”
Ngosuku olulandelayo ngithwala ithawula ekhanda, ngiligoqa kahle njengoba uMama ahlale enza ngezinwele zakhe.
“Ubabekazi wakho lowo?” kubuza owesimame esitolo.
“Cha! UMama wami.”
Ngigijime ngaya ekhaya ngathola
upende omnyama. Ngawubhixa
ebusweni bami.
“Wamuhle upende ebusweni,” kusho
owesilisa epaki. Ukhomba ubaba
wasebuza, “Ngabe uthisha wakho?”
kubuza owesilisa epaki. “Cha!
UBaba
wami.”
Izinyembezi zami
zivele zawususa
upende.
“Kungani ngingafani
nani, mama
nawe baba?”
“Amanda, ngibonise ukumamatheka kwakho, lokhu okufana nokukaBaba wakho.”
Angifuni ukumamatheka.
“Hawu Amanda, buka isifaca sakho, sihle, njengesikaMama wakho!”
UMama noBaba bangenza ngimamatheke kanti nami ngibenza bamamatheke!
“Buka!” kusho mina, “Amazinyo ami amhlophe njengawenu.”
“Yebo, futhi inhliziyo yakho ibomvu, njengezethu.”
Uyimibala emingakhi?
I’m the colour of honey_zulu
