“Ngifisa sengathi ngabe NGINENDLU!” kusho
uNkk Phengwini. “Angikuthandi ukuhlala emfucuzeni.”
“Nkk Phengwini othandekayo,” kusho uMnu Phengwini. “Sizokwakhela isigodlo.”
Ngakho umndeni wakwaPhengwini waqala ukusebenza.
“Isihlabathi singenza ngilunywe,”
kukhononda uSisi.
“Ukukala kwakhona
kunephutha,”
kusho uBhuti.
“Ngilambile,” kwasho
uMagwinya.
UNkk Phengwini waphefumulela
phezulu. Wayenza
wonke umsebenzi
Ekugcineni isigodlo saqedwa.
Kodwa igagasi lamanzi lafika lasikhukhula.
“Sizozama futhi,” kusho uMnu Phengwini.
“Wozani zingane, sizokwakhela uMama isithabathaba ngamatshe.”
Ngakho umndeni wakwaPhengwini
waqala ukusebenza.
“Amatshe ayasinda,” kukhononda uSisi.
“Ukukala kwakhona kunephutha,”
kusho uBhuti.
“Mina ngisalambile,” kwasho uMagwinya.
Ekugcineni isithabathaba
saphela … kodwa
kwafika umoya
wasiphephula.
UNkk Phengwini wacasuka. “Angisezukuwenza omunye umsebenzi,” kusho yena.
“Sizozama futhi,” kusho uMnu Phengwini.
“Angicabangi lutho olunye,” kusho uSisi.
“Kulukhuni kakhulu.”
“Asinawo ngisho usimende,” kusho uBhuti. “Ngeke ukwazi ukwakha indlu eqinile ngaphandle kukasimende.”
“Mina ngilambile,” kusho uMagwinya.
UNkk Phengwini waphefumulela phezulu. Wayengeke alithole ikhaya lakhe.
“Awubheke nje wonke lo doti,” kusho yena.
Khona manjalo uNkk Phengwini
wafikelwa wumbono.
“Bhuti, landa izigxobo,” kusasho yena.
“Sisi, thola
amanetha.”
“Magwinya, landa ipulastiki. Mnu Phengwini
letha isando.”
Basebenza
usuku lonke.
“Ngikhathele,” kwasho uSisi.
“Qhubeka usebenze,” kwasho uNkk Phengwini.
“Ukukala kwakhona kunephutha,” kwasho uBhuti.
“Qhubeka usebenze,” kwasho
uNkk Phengwini.
“Mina ngisalambile,” kwasho uMagwinya.
“Qhubeka usebenze,” kwasho uNkk Phengwini.
“Kuzoba kuhle ngokumangalisayo,” kwasho
uMnu Phengwini.
“Wenza umsebenzi oncomekayo,” kwasho uNkk Phengwini.
Ngakho basebenza, basebenza,
basebenza …
… kwathi
ekugcineni
ikhaya laqedwa
ukwakhiwa.
“Siyakwamukela esigodlweni sakho,” kwasho
uMnu Phengwini. “Ngiyabonga,” kwasho yena.
“Yisigodlo Esifanelekile
sikaNkk Phengwini.”
Mrs Penguin perfect palace_zulu
