Ngelinye ilanga kwazalwa umntwana
ohlakaniphe kakhulu eGungululu,
eMpumalanga Kapa. Igama lakhe
kwakunguSindiwe Magona.
Wayeyizibulo elanywa yizingane
eziyisishiyagalombili.
Ebusuku, ugogo wakhe wayexoxa
izinganekwane ezihlabahlosile
ezimayelana namazimuzimu
nemidondoshiya yeziqhwaga, izilwane
zasemahlathini, izinunu ezinkulu, kanye
nezilwane ezincane zasendle.
Kwakuyisikhathi esithandwa kakhulu
nguSindiwe lesi.
USindiwe wayesithanda isikole, kanti
iphupho lakhe kwakungukuba uthisha.
Lapho uSindiwe eseba yijongosi, umndeni wakhe
wahlela umcimbi wokugubha lokhu.
Wanikwa izinto ezikhethekile azozigqoka kwathi
ikhehla elihlakaniphile lamhayela izibongo.
Ubusiseke, unwele olude!
Sengathi ungabhekwa ngabaphansi bakini!
USindiwe waqeqeshelwa ukuba uthisha.
Wathokoza kakhulu ukuyofundisa
esikoleni sakhe sokuqala.
Kodwa kwakungekho madeski ezingane
noma izincwadi ezizobhalela kuzo. Lokhu
kwenza ukuthi uSindiwe esabe kakhulu.
Wayezoba uthisha omuhle kanjani uma
izingane zingenazo izindawo zokuhlala
noma zokubhalela?
Wayeka esikoleni wayokwenza umsebenzi
wokuhlanza izindlu.
Wayesebenza ezindlini ezine ezahlukene. Abantu
balapho babeke bamhlukumeze, into eyenza
ukuthi uSindiwe aphatheke kabi kakhulu.
USindiwe wayefunda ngaso sonke
lesi sikhathi.
Ukusebenza kwakhe kanzima
kwathela izithelo! Wathola
umfundaze okhokhela zonke
izindleko wokuthi ayofunda
eNyuvesi yaseNew York. Yena kanye
nezingane zakhe ezincane ezintathu
bapakisha izikhwama zabo bawela
izilwandle ngendiza baya eMelika.
Lapho-ke uSindiwe wafundela
ukuba usonhlalakahle.
Wayefuna ukusiza imindeni
ukuthi yenze izimpilo zayo
zibe ngcono.
Lapho eseqedile ukufunda,
wasebenza eMelika iminyaka
engamashumi amabili.
Ngesikhathi elapho, uSindiwe
watshela umhlaba ngeNingizimu
Afrika, nokuthi impilo yayinzima
kangakanani kubantu abaningi
ababehlala khona.
Zakhe, futhi babefuna ukufunda okuningana
ngabantu baseNingizimu Afrika.
Bonke abantu bayahlanganyela ukuze basize
ukuguqula izinto eNingizimu Afrika.
Kodwa uSindiwe
wayelikhumbula izwe
ayezalelwe kulo.
Wayefuna ukuzixoxela abantu
basekhaya izindaba zakhe.
Ngakho-ke wapakisha izimpahla
zakhe, wangena endizeni wase
endiza ewela ulwandle
waya eKapa.
Uthando lukaSindiwe lwezincwadi
kanye nezindaba selumsizile ukuthi
abhale izinqwaba ngezinqwaba
zezincwadi. Futhi izingane kanye
nabantu abadala bayathanda ukufunda
izindaba zakhe.
Abantu abaningi bathanda ukumbiza
ngokuthi “uNomabali” (uNozindaba)
ngenxa yokuthi uhlale ebhala, exoxa
futhi efunda izindaba.
Sindiwe _ The Fire Flies Zulu
