UTayo usejahe ukubona
udadewabo omncane.
Shesha phela Mama!
Mkhiphe manje esiswini sakho.
Kodwa uTinu akasikho
lokhu akulindele uTayo.
Indlela abukeka
ngayo ixakile.
Kanti
okubi
kunakho
konke…
Unuka
kabi!
Ngwaa!
Ngwaa! Unomsindo
kakhulu, Mama!
UTinu uhleli
ekhala.
Usuke ezama ukukutshela
okuthile, Tayo. Ngabe
ucabanga ukuthi uthini?
Angazi,
kusho uTayo.
Empeleni, mina ngicabanga
ukuthi uthi ulambile.
UMama upha uTinu ukudla. Kodwa...
Ee! UTinu uyakhala futhi.
Usumphile nje ukudla,
manje pho ukhalelani?
Ngoba kwesinye isikhathi,
izingane zidinga ukuba …
ZIBHODLEEE!
Abangani nomndeni
bafisa ukumbona, kodwa uTinu
akakaze abe phakathi kwabantu
abaningi kangaka.
NGWAAAAAHH!
UMama uphuma noTinu aye
egumbini lakhe ukuze babe
nesikhathi esinokuthula.
Njengoba isikhathi
sihamba, uTayo
ufunda ukuthi ukukhala
kukaTinu kusho ukuthini.
Futhi empeleni akahluphi kangako.
Sebedlala ndawonye futhi.
Cha bo, Tinu. Amabhanoyi
ayandiziswa, awahlafunwa.
Kodwa kwesinye isikhathi,
uTinu uvele akhale uTayo
angazi ukuthi ufunani.
UTinu ukhala usuku lonke...
nobusuku bonke.
Kodwa
akayeki ngani
ukukhala?
Yima wo, yini leya?
Buka Mama,
uTinu usephume izinyo
lakhe lokuqala!
Baby Talk (isiZulu)
