UKopano noRea baya edolobheni okokuqala ngqa!
“Khumbulani ukuqinisa amabhande ezihlalo enu,” kusho uMama. “U-Anti uBoi uthumelele nina mantombazane isipho kanti sizoyosilanda eposini elikhulu edolobheni.”
“Simagange ukubona isipho, Mama,” kusho amantombazane, ayesesuka ehamba.
“IBhuloho LikaNelson Mandela lisiholela edolobheni,” kusho uMama.
“Mhh, iBhuloho LikaNelson Mandela,” kusho uKopano.
“Bheka,” uRea esho kuKopano,
“amabhilidi amade amaningi kangaka.”
“Mhh, ucabanga ukuthi nesipho sethu
side naso, Rea?” kubuza uKopano.
“Bheka,” uKopano esho kuRea, “izithelo nemifino okuningi kangaka.”
“Mhh, ucabanga ukuthi isipho sethu sinambitheka kamnandi?” uRea ebuza kuKopano.
“Bheka,” kusho uRea kuKopano, “izimpahla zokugqoka zomdabu!”
“Mhh, ucabanga ukuthi u-Anti uBoi usithengele izimpahla zokugqoka zomdabu?” kubuza uKopano.
“Hha, kufana nephathi eyodwa enkulukazi,” kusho uKopano noRea.
“Mhlawumbe isipho sakho sicula iculo elinomsindo omkhulu,” kusho uMama emoyizela.
“Mhh, siyawathanda amaculo anomsindo omkhulu,” kusho amantombazane.
“Nakhu la sikhona!” kusho uMama.
“Ngabe ucabanga ukuthi side njengamabhilidi esiwabonile?” kubuza uRea.
“Cha,” kusho uKopano.
“Ngabe ucabanga ukuthi sinambitheka kamnandi njengezithelo nemifino esikubonile?” kubuza uRea.
“Cha,” kusho uKopano.
UKopano wanyakazisa ibhokisi. “Aliwenzi umsindo omkhulu njengezipikha esizedlulile.”
“Futhi angiboni nje nokuthi yizimpahla zokugqoka zomdabu,” kusho uRea.
UKopano noRea bahlala khona lapho phansi eposini base belivula ibhokisi.
“Labo ngonodoli bamaMasayi,” kusho uMama kula mantombazane.
“Onodoli bamaMasayi abaphuma eKenya,” kusho uKopano.
“Ave sibathanda laba onodoli!”
kusho uRea.
UMama uthwebula isithombe samantombazane bese esithumela ku-Anti uBoi.
Auntie Boi's Gift
