Ngake ngaba nephupho, lilincane futhi lilula,
ngaligcina ebhokisini.
Ngaligcina lifihliwe, liphephile
futhi liqabathekile, ediloweni
lami lamasokisi
Leli phupho elincanyana, enganginalo, uyabona,
Lalimayelana nami nje
ikakhulukazi …
… umuntu engizoba wuye, lapho engizoya khona,
Kanye nengizokubona ngelinye ilanga.
Ekuqaleni, kwakuyiphupho elincane, kwaze kwathi suku lumbe lakhula,
Ngakho ngalikhipha ukuze lithole umoya, ukukhombisa iphupho lami kuwe.
Emva kwalokho iphupho lami lakhula laba likhulu,
kwase kumele ngilikhiphe …
Ngalithatha ngaya nalo enkundleni yezemidlalo,
Ngase ngilibuka ligqomagqoma.
Emva kwalokho zonke izingane, zalibona iphupho lami, zase zithi, “Nathi siyalifuna bo!”
Ngase ngithi kuzo, “Kulungile, akukho nkinga.” Ngase ngizitshela ukuthi zenzeni.
“Kulungile, okokuqala ucabanga ngokufunayo.
Kukholwe ngenhliziyo yakho.
Ukuthola iphupho elikhulu njengelami,
Lena yindawo okumele uqale kuyo.
Futhi uma selilikhulu ngokwanele,” kusho mina,
“Kumele ulidedele likhululeke
Lindizele phezulu nomhlaba wonkana,
Ukuze wonke umhlaba ulibone.”
Futhi ngaleso sikhathi, iphupho lami elidala nelikhulu,
Elake laba sediloweni ngelinye ilanga,
Lanyakaza laphinde lacaca,
Landizela esibhakabhakeni …
laphakama …
laphakama …
laphakama.
My dream in the drawer
