Go na lefelo ka garegare ga Mmušo wa Zulu la go bitšwa Molapong.
Mosetsana wa go bitšwa Jabulile o dula fa. Jabulile o be a a phela a thabile. Gape o be a rata go tseba, a botšiša dipotšišo tše dintši ka ga bophelo. Dilo tšohle di be di mo kgahla.
Tatago Jabulile e be e le rapolasa wa go lema mafela. Mmagwe e be e le morutiši. Ba mo rutile go lora ditoro tše dikgolo. Toro ye kgolo ya Jabulile e be e le go thuša batho.
Bohle mo motseng e be e le bagwera ba Jabulile kudu batšofadi. Ba mo rutile ka ga banna le basadi ba bantši ba bohlale bao nkilego ba dula Molapong. Jabulile le yena o be nyaka go ba bohlale.
Ka letšatši le lengwe le lebe maru a ile a thiba kua Molapong. Tšohle tša fifala ya ba tše dipududu. Ledimo le lebe la gogola naga.
Moya o mogolo o ile a wa utlumolla ditlhaka tša dirantabola. Diphoofolo ka oka tša loba magae a tšona. E be e le letšatši la manyami kudu.
Badudi ba motse ba lla, “Re tla dira bjang bjale?” “Dibjalo ka moka di senyegile!” gwa lla borapolasa. “Magae a rena a sepetše!” ba realo batšofadi. Ba lahlegetšwe ke kholofelo yohle.
Efela Jabulile a gopola seo nkilego a se botšwa ke tatagwe yo bohlale.
Jabulile a thoma go bolela le badudi ba motse. “Ledimo le re kweša bohloko” a realo, “ka lebaka la tsela ye re kgethago go le bona ka yona. Ge o lebelela godimo, letšatši le a kganya gape. Ke letšatši le leswa. Ka morago ga ledimo le lengwe le le lengwe go swanetše go ba le molalatladi!”
Ka nakwana molalatladi wa tšwelela leratadimeng.
Badudi ba motse ba bone molalatladi gomme ba thoma go myemyela. Ke tshepišo ya gore ledimo le fetile.
Badudi ba motse ba ile ba aga magae
a bona ka leswa. Borapolasa ba bjala
dibjalo tše diswa. Mabjang a talafala
go feta pele.
Gwa ba le kholofelo le lethabo gape motseng wa Molapong.
