Ndingumbala wobusi
Igama lam nguAmanda. Ndihlala noMama wam noTata wam kunye nenja yam uPorsha.
UTata wam uthi ndingumbala wobusi.
UMama wam uthi ndifana nobuhle bentshonalanga.
Kodwa andifani naye namnye kubo. NguPorsha kuphela ontsundu njengam!
Xa siphumile abanye abantu bayasiqwalasela, okanye basibuze imibuzo emininzi.
“Ingaba nguDadobawo wakho lo?” uyabuza umama osevenkileni.
"Hayi! nguMama wam!"
“Ingaba nguTitshala wakho lo?” uyabuza utata osepakini.
"Hayi! NguTata Wam!"
“Kutheni ungafani nabo nje?”
“Kuba ndingumbala wobusi ndaye ndifana nobuhle bentshonalanga.”
“Kodwa uTata wakho ufana nesibhakabhaka ebusuku,” utsho umama osevenkileni.
“Waye uMama wakho umhlophe okwamaphepha angabhalwanga encwadini,” utsho utata osepakini.
“Kutheni nibonakala nohluke kangaka?”
Ngosuku olulandelayo
ndisongela itawuli entloko ndize ndiyijiwuzisa njengoko uMama esenza ngeenwele zakhe.
“Ingaba nguDadobawo wakho lo?” uyabuza umama osevenkileni.
“Hayi, nguMama wam!”
Ndiyabaleka ndigoduke ndithathe
ipeyinti emnyama. Ndiyiqabe ebusweni.
“Hayi, nguTata wam!”
“Uyiqabe kakuhle ipeyinti ebusweni!”
utsho utata osepakini. Ukhomba uTata
abuze, “Ingaba ngutitshala wakho lo?”
Iinyembezi zam zihlamba ipeyinti isuke.
“Kutheni ndingafani nani mama notata?”
“Amanda ndibonise olwaa ncumo olufana nolukaTata wakho.”
Andiziva ndifuna ukuncuma.
“Yhini wethu Amanda, jonga ituma
lakho. Lihle kakhulu lifana nelikaMama wakho!”
UMama noTata bandenza ndincume. Ndaye nam ndiyabancumisa.
“Jongani!” nditsho, “Amazinyo am amhlophe njengawenu.”
“Ewe, nentliziyo yakho ibomvu njengezethu.”
I’m the Colour of Honey (IsiXhosa)
